Stor seminarhelg for folkemusikk og folkedans i Oslo

Name: Stor seminarhelg for folkemusikk og folkedans i Oslo
Start: 2026-03-07T10:00:00+01:00
End: 2026-03-08T16:00:00+01:00
Location: Riksscenen

Schedule

Sat, 07 Mar, 2026 at 10:00 am to Sun, 08 Mar, 2026 at 04:00 pm

UTC+01:00

Location

Riksscenen | Oslo, OS

Hald av 7.-8. mars 2026, for då slår FolkOrg, Noregs Ungdomslag (NU) og Norsk senter for folkemusikk og folkedans (Sff) seg saman om ei stor folkemusikk- og folkedanshelg i Oslo!
FolkOrg skal ha sitt årlege DOMMARSEMINAR, Noregs Ungdomslag skal ha eit av sine INSTRUKTØRKURS, i tillegg tek Sff turen sørover og skal ha si TEMASAMLING gjennom folkedansprogrammet Dansespor. Alt dette skal foregå parallelt på og rundt Riksscenen i Oslo, og du kan melde deg på det seminaret du er mest interessert i. Det vil diverre ikkje bli mogleg å vere med på fleire seminar samtidig, men vi legg opp til noko felles og sosialt i løpet av helga.
Riksscenen legg også til rette for gode kveldsarrangement denne helga:
🎻 Fredag 6. mars: Konsert, plateslepp og dans med ISTEM, tingingsverk til Telemarkfestivalen laga av Vegar Vårdal.
🕺🏼 Laurdag 7. mars: Dansefest med Over stok og steen, 3-B og Buss for tog.
Eigen billett kjøper du direkte via Riksscenen.
Vi håpar å sjå deg i Oslo denne helga - følg med for meir informasjon. Påmelding til alle seminar opnar på nyåret.
--
📍 DOMMARSEMINAR MED FOLKORG
Laurdag kl. 11-17 og sundag kl.10–14.
Ein viktig del av FolkOrg sitt arbeid lokalt og sentralt er å arrangere kappleikar i spel, dans og song. Dommargjerninga er eit tillitsverv og det er viktig å ha dommarar som er kompetente og kunnskapsrike. For at ein skal få fleire til å takke ja til å vera dommarar er det svært viktig å ha eit fagtilbod for dommarane der ein samlar breidda i feltet, både sjangermessig og geografisk.
Det vert tre parallelle seminar i spel, dans og song. Prøvedømming, diskusjonar og refleksjon etter dømming vil og vere ein stor del av seminara.
Les meir: https://www.folkorg.no/nyhende/nyhende/2025-12-17-seminarhelg-7.-8.mars-2026
📍 INSTRUKTØRKURS MED NOREGS UNGDOMSLAG
Laurdag og sundag kl. 10-16.
På dette instruktørkurset vil du kunne fordjupe deg i utvalde bygdedanstradisjonar og lære verktøy for korleis du kan lære vekk både din eigen bygdedans og andre tradisjonar til barn, ungdom og vaksne. Kurset er praktisk og det vil bli vektlagt mykje dansing undervegs. Kurset vil ha fokus på metodikk framfor å lære nye dansar, så det er ein føresetnad at du har dansa ein del før. Om ikkje kurset tek føre seg din eigen bygdedanstradisjon, så vil du lære metodar og verktøy som du kan overføre til eige tradisjonsområde når du sjølv skal lære vekk til andre. Det blir også rom for erfaringsdeling, utprøving og refleksjonar.
Instruktør: Vegar Vårdal + musikar Olav Christer Rossebø.
Les meir: https://www.ungdomslag.no/arrangement/stor-kurssamling-i-oslo
📍 DANSESPOR (Sff) SI TEMASAMLING
Lørdag kl. 10-16 og søndag kl. 10-15.
Temaet for samlingen denne gangen er dokumentasjon og rekonstruksjon av dansetradisjoner, hvor vi vil lære mer om ulike prosesser i et slikt arbeid. I tillegg til innhold som går på denne tematikken, vil det bli informert om Dansespor-programmet. Samlingen har enkel oppbygging der alle deltakere er med på alt vi planlegger gjennom begge dagene. En mer detaljert timeplan vil komme på nyåret.
Les mer: https://www.folkemusikkogfolkedans.no/

Følg med i kanalane til kvar enkelt organisasjon for oppdatering om påmelding og meir info om kvart seminar. Påmelding vil opne over nyttår 2026.