Sjómannadagurinn í Hafnarfirði 2026!

Name: Sjómannadagurinn í Hafnarfirði 2026!
Start: 2026-06-07T13:00:00+00:00
Location: Hafnarfjarðarhöfn

Schedule

Sun, 07 Jun, 2026 at 01:00 pm

UTC+00:00

Location

Hafnarfjarðarhöfn | Hafnarfjörður, GU

⚓️ Sjómannadagurinn engum líkur í Hafnarfirði ⚓️

Sunnudaginn 7. júní verður Sjómannadagurinn haldinn hátíðlegur í Hafnarfirði með fjölbreyttri dagskrá sem heiðrar sjómenn og tengsl bæjarins við sjóinn.
Hafnarfjarðarbær hefur skorað á hvert hverfi fyrir sig að taka þátt í kappróðrinum þetta árið. Hvaða hverfi býr yfir öflugustu ræðurunum? Hvaða skipstjóri kemur fleyi sínu fyrst í höfn?
Já, það er margt í boði og vert að skipuleggja sig svo dagurinn verði fullkominn:
🔵 Morgunviðburðir
Kl. 8:00 – Fánar dregnir að húni á hátíðarsvæði við höfnina.
Kl. 10:00 – Lúðrasveit Hafnarfjarðar leikur við Hrafnistu.
Kl. 10:30 – Blómsveigur lagður að minnisvarða sjómanna við Víðistaðakirkju.
Kl. 11:00 – Sjómannadagsmessa í Víðistaðakirkju
Herjólfsgufan við Langeyrarmalir – Gufa og sjór í fullkomnu jafnvægi frá kl. 10:00 til 13:00.
🔵 Dagskrá við höfnina milli kl. 13:00–17:00
🐚 Kappróður – Spennandi keppni á höfninni frá kl. 13:00 til 14:00.
🐚 Sterkasti maður Íslands – Kraftakeppni við hafnarsvæðið frá kl. 13:00 til 16:00.
🐚 Skemmtisigling – Sigling í boði Hafnarfjarðarhafnar frá Óseyrarbryggju kl. 13:00–16:30.
🐚 Fiskasýning Hafró – Skoðaðu fjölbreytt lífríki sjávar við Háabakka.
🐚 Siglingaklúbburinn Þytur – Opið hús frá kl. 13:00 – 17:00 hjá klúbbnum við Strandgötu 88.
🐚 Kaffihlaðborð Kænunnar – Njóttu veitinga í Kænunni við höfnina.
🐚 Björgúlfur kallar – Kaffi, kökur og koddaslagur við Flensborgarhöfn.
🐚 „Viltu koma í sjómann?“ – Kraftakeppni við minnismerkið um veru Þjóðverja í Hafnarfirði.
🐚 Þyrla landhelgisgæslunnar – Björgunarsýning Landhelgisgæslunnar
🐚 Slökkviliðið við Fornubúðir með bíla og búnað frá kl. 13:30 – 15 – komdu og heilsaðu hetjunum okkar! Björnis mætir einnig á svæðið en hann verður á Sjómannasviðinu kl.15!
🔵 Skemmtidagskrá á Sjómannasviðinu frá kl. 13 – 16:30
Kynnir: Hreimur Örn Heimisson – söngvari, skemmtikraftur og gleðigjafi!
Kl. 13:00 – 🎸 DAS-bandið
Kl. 13:30 – 🎺 Lúðrasveit Hafnarfjarðar
Kl. 14:00 – 🧑‍✈️ Setning hátíðarinnar og heiðrun Sjómanna
Kl. 14:15 – 🎤 Hreimur tekur lagið
Kl. 14:30 – 💃 Dans Brynju Péturs!
Kl. 14:45 – 🏆 Verðlaunaafhending í kappróðri
Kl. 15:00 – 🐻 Björnis brunabangsi
Kl. 15:10 – 🎙️ Diljá Pétursdóttir
Kl. 15:40 – 🎭 Ragga Hólm
Kl. 16:00 – 🌊 VÆB
🔵 Verslun, sýningar og menning
Gallerí Múkki - FLUMBRA, fjelag hafnfirskra rithöfunda mun flytja ljóðadagskrá tileinkaða hafinu og sjómennsku. Lesin verða ljóð og kvæði eftir Örn Arnarson og önnur hafnfirsk skáld og rithöfunda, lífs og liðna.
Opið í SIGN
Byggðasafn Hafnarfjarðar – Ný sýning í Pakkhúsinu. Opið í Pakkhúsinu, Sívertsen húsinu og Beggubúð frá kl. 11 – 17
Hafnarborg – Nýjar sýningar. Opið frá kl. 12 – 17.
Veitingastaðir í næsta nágrenni – Fullt af kræsingum á Sjómannadaginn!
Gestir eru hvattir til að leggja bílum löglega í bílastæði nálægt viðburðasvæðinu eða í miðbænum og ganga eða taka strætó, því hafnarsvæðið er lokað fyrir bílaumferð á meðan á hátíðarhöldum stendur.
Salernisaðstaða er í Siglingaklúbbnum Þyt, Íshúsi Hafnarfjarðar, Ægi 220, Kænunni, við olíubryggjuna og Hafrannsóknastofnun.
Drónaflug er bannað á hátíðarsvæðinu.
⚓️ Nánari upplýsingar má finna á vef Hafnarfjarðarbæjar – hfj.is/sjomannadagur ⚓️
Komdu og njóttu dagsins með fjölskyldu og vinum við höfnina í Hafnarfirði!