Sandeseminaret 2025: Krafta i å fortelje, lytte og lese

Name: Sandeseminaret 2025: Krafta i å fortelje, lytte og lese
Start: 2025-04-03T12:00:00+02:00
End: 2025-04-04T13:00:00+02:00
Location: Nikka Vonens veg 31 - 35, 6963 Dale i Sunnfjord, Norway

Schedule

Thu, 03 Apr, 2025 at 12:00 pm to Fri, 04 Apr, 2025 at 01:00 pm

UTC+02:00

Location

Nikka Vonens veg 31 - 35, 6963 Dale i Sunnfjord, Norway | Førde, SF

Jakob Sande - senter for forteljekunst forvaltar og forskar i arven etter Jakob Sande, i nynorsk språk og kultur, og byggjer eit nasjonalt fagmiljø innom munnleg og skriftleg forteljekunst.
Torsdag 3. og fredag 4. april inviterer vi til Sandeseminaret, som i år handlar om krafta i å fortelje, lytte og lese.
På programmet står mellom anna:
- Trine Skei Grande frå Forleggerforeningen om korleis skape lesekultur som fremjar demokratiet.
- Sivert Nesbø frå Skrivekunstakademiet om det berre litteraturen kan gjere.
- Guro Kristin Gjøsdal frå Nynorsksenteret om samlesing (shared reading) som metode for å utforske lesing i skulen.
- Bokråd med Tekstallianse.
- Vandringar og kunstnariske innslag.
- Rundebordsamtale om lesing, lytting og forteljing.

Instituttleiar ved Goethe-Institut i Nederland Martin Bach har sagt: "I ei tid prega av "deep fake" og manipulasjon, er personlege møte og vitnesbyrda til ein person som er tilstades av veksande betydning. Det handlar ikkje berre om å fortelje historier. Å faktisk lytte er kanskje endå viktigare. Jakob Sande - senter for forteljekunst er eit unikt rom der det lokale vert vevd saman med verda og forteljinga med mennesket."
Som eit nasjonalt senter for forteljekunst, vil vi bidra til å styrke forteljekunst, lesing og lytting.
Til Sandeseminaret kjem fagpersonar og forteljekunstnarar frå nærskylde miljø for å saman utforske krafta i forteljekunsten. Seminaret er både ein idedugnad og ei fagleg utvikling for dei som deltek. Det skal òg bidra til å bygge og styrke nettverk innan munnleg og skriftleg forteljekunst.
Ynskjer du å delta, kan du melde deg på ved å sende ein e-post til [email protected].

Seminaret er gratis, og deltakarar må sjølv dekkje måltida. Strandakokken står for mat, med lunsj og middag torsdag og lunsj fredag.

Endeleg program kjem.

Foto av Trine Skei Grande: Malin Westermann
Foto av Sivert Nesbø: Eirik Brekke.