nyMusikk KRAPYL: Biblioteksmusikken presenterer - NÅR VALEN DANSER

Name: nyMusikk KRAPYL: Biblioteksmusikken presenterer - NÅR VALEN DANSER
Start: 2025-12-06T14:30:00+01:00
Location: Bergen Offentlige Bibliotek

Schedule

Sat, 06 Dec, 2025 at 02:30 pm

UTC+01:00

Location

Bergen Offentlige Bibliotek | Bergen, HO

Korleis fortonar musikk seg frå innsida? Annabel er pianist og øver inn ein liten vals for piano av den norske komponisten Fartein Valen. Ho vil så gjerne få musikken til å danse, men strevar med det. Difor inviterer ho Trommelars på vitjing. Kanskje han – saman med publikum – kan hjelpe henne?
I denne framsyninga stiller vi spørsmål ved kva det er som gjer musikk til musikk. Kvifor er stilla ein del av musikken? Kanskje finn dei nokre moglege svar saman med barna. Det er moro, vakkert og lærerikt – og det finst ikkje noko fasitsvar.
Tilrådd frå 5 år.
Framsyninga vart til etter ei bestilling frå Sveio kommune og hadde premiere under Valenfestivalen i april 2020. Musikken vi spelar og lyttar til er Fartein Valens klaverstykke Valse noble, opus 22. Vi har til no spelt over 60 framsyningar på små og store stader på Vestlandet, i tillegg til Lillehammer, Oslo, Stavanger Kammermusikkfestival og Valdres Sommarfestival 2022.
Annabel Guaita er klassisk pianist og musikkformidlar med lang røynsle som skulekonsertmusikar, føredragshaldar og musikkritikar. Ho har ein kunstnarisk doktorgrad på Fartein Valens pianomusikk, der ho utforska ulike måtar å spele musikken på. Jakta på å opne nye dører inn til denne musikken førte henne til Lars Kolstad.
Han er høgskulelektor i musikkpedagogikk, også kjend som Trommelars, og reiser rundt med bilen full av trommer – mellom anna i regi av Den kulturelle skulesekken. Han inviterer store og små til improvisert samspel under mottoet «Trom som du er». Hos han blir musikken til i augneblinken, i ein høgst levande og uforutsigbar prosess mellom menneske med svært ulik musikalsk bakgrunn.
Annabel og Lars har såleis svært ulik erfaring og tilnærming til musikk. Nettopp i kryssingspunktet mellom desse to perspektiva finn dei nye vegar inn i musikken – saman med barna.
Prosjektet er støttet av Furestiftelsen og Vestland fylkeskommune.
Varighet 1 time
Konserten finn sted i Auditoriet på Bergen Offentlige Bibliotek og er gratis.
Biblioteksmusikken, også kalt Krapyl, er ein konsertserie som går laurdagar i regi av nyMusikk Bergen. Desse laurdagane kan publikum få oppleva ny musikk, og i tillegg ta med ungane sine. Konsertane er ikkje såkalla barnekonsertar, men produksjonar som blir gjort tilgjengelege for både vaksne og barn, på eit klokkeslett som høver alle aldrar, og som ikkje har for høgt volum.
Musikken blir presentert rå og direkte til store og små krapyl!