nyMusikk KRAPYL: Biblioteksmusikken presenterer "Berre ein (u)vanleg akkordeon"

Kor vanleg kan eigentleg ein akkordeon vere? Akkordeonisten Sergej Tchirkov inviterer til ein fantasifull solokonsert der me møter Den raude sykkelen, Den sprettande brannbilen og Verdas raskaste snigel – og kanskje oppdagar kva som gjer akkordeonen så (u)vanleg.
Konserten finn sted i Auditoriet på Bergen Offentlige Bibliotek og er gratis.
Biblioteksmusikken, også kalt Krapyl, er ein konsertserie som går laurdagar i regi av nyMusikk Bergen. Desse laurdagane kan publikum få oppleva ny musikk, og i tillegg ta med ungane sine. Konsertane er ikkje såkalla barnekonsertar, men produksjonar som blir gjort tilgjengelege for både vaksne og barn, på eit klokkeslett som høver alle aldrar, og som ikkje har for høgt volum.
Musikken blir presentert rå og direkte til store og små krapyl!