Landbruket og litteraturen
Schedule
Tue, 08 Apr, 2025 at 06:00 pm
UTC+02:00Location
Raulandsakademiet as | Notodden, TE
Advertisement
Telemark Bonde- og Småbrukarlag, Vinjesenteret og Raulandsakademiet inviterer til ein kveld om landbruket og litteraturen i Vesaassalen på Raulandsakademiet 8. april kl. 18.00!Kl. 18.00
Opning v/Aasmund Nordstoga med helsing frå Tor Jacob Solberg, leiar i Norsk Bonde- og Småbrukarlag.
Kl. 18.15
Avfolkinga av bygdene og flyttestraumane til byane endrar dramatisk det norske samfunnet. Utviklinga er kartlagt og dokumentert mellom anna gjennom statistikkar over nedlagte gardsbruk, skular, butikkar og andre knutepunkt på bygdene, og over endringar i alderssamansetjinga. Men kva med det som skjer meir umerkeleg? Urbaniseringa handlar ikkje berre om byar som veks, men òg om nye normer, interesser, verdiar og samværsformer på bygdene, ofte i brutal bryting med det tradisjonelle. Korleis påverkar desse prosessane menneska oppi det heile?
Slike spørsmål tumlar litteraturen med. I fjor kom det ut to bøker som kvar på sitt vis skildrar nye endringar og spenningar i gamle småsamfunn. Båe har fått strålande kritikkar, men er elles svært ulike. Maria Lavik fortel i den sjølvbiografiske Odelsskam om ho som varsamt løyser røtene sine på slektsgarden og i heimbygda, for å byggje opp eit nytt liv og ein sjølvvald identitet i Oslo. Bjørn Ivar Fyksen har skrive romanen Gård og grunn om intriger og drap i ei flatbygd på Austlandet. I båe bøkene er odelslova og landbrukspolitikken viktige dramatiske element!
Tysdag 8. april kjem Maria Lavik og Bjørn Ivar Fyksen til Raulandsakademiet for å snakke med Arne Vinje om bøkene og temaet dei tek opp.
Kl. 19.00
Musikalsk innslag frå studentar v/USN Rauland.
Kl. 19.15
Enkel servering på Raulandsakademiet.
Programleiar er arenaleiar v/Vinjesenteret, Yngve Knausgård.
Kvelden er gratis og open for alle. Det blir høve til å kjøpe bøkene til Maria Lavik og Bjørn Ivar Fyksen. Velkomen!
Foto Maria Lavik: Tove K. Brestein
Foto Bjørn Ivar Fyksen: Julie Pike
Advertisement
Where is it happening?
Raulandsakademiet as, Notodden, NorwayEvent Location & Nearby Stays:
