Kveldsete i Revheimsstova

Name: Kveldsete i Revheimsstova
Start: 2025-04-08T19:00:00+02:00
Location: Osterøy museum

Schedule

Tue, 08 Apr, 2025 at 07:00 pm

UTC+02:00

Location

Osterøy museum | Bergen, HO

Denne kveldseta deler felespelarane Tuva Thomassen og duoen Silje Midtbø Vevle og Una O'Keeffe mellom seg. Desse tre er framståande hardingfelespelarar i Osterøy spel- og dansarlag.
Tuva har eit rikt repertoar av slåttar å plukka av, og denne kvelden deler ho med oss både lokalt stoff og slåttespel frå andre stader i landet.
Silje og Una har gjennom mange års samspel utvikla mange særeigne arrangement for tostemt hardingfele, både lokale slåttar og meir langreiste slåttar. Her vert det samspel og kreative vendingar på eit høgt musikalsk nivå!

Kveldsete er ein intimkonsertserie med Osterøy spel- og dansarlag i samarbeid med Osterøy museum.
Nemninga “kveldsete” stammar frå eldre tider og vart brukt om tida ein sat oppe frå mørket kom og fram til leggjetid. I dette tidsrommet var det ofte at ein delte musikk og forteljingar med kvarandre. Osterøy spel- og dansarlag ynskjer å utnytta potensialet som ligg i kveldsetetradisjonen og etablera ein eigen serie med intimkonsertar, der utøvarar frå det lokale folkemusikkmiljøet står for innhaldet i solo- og samspel. Tidsramma vil vera omlag ein times konsert og alt føregår akustisk, tett på publikum.
Det er avgrensa med plassar, så det er lurt å tinga billett på førehand. Sjå lenke til billettsal. Ta kontakt med Ingvild på 99296732 ved problem med nettbestilling.
Dørene opnar 18.30.
Velkomne til ei stemningsfull stund!

Sjå også her:
https://muho.no/osteroymuseum/kveldsete-i-revheimsstova