Klubb Komle // Folksomt plateslepp, Benedicte Maurseth, Egil Kalman
Schedule
Sat, 09 May, 2026 at 08:30 pm to Sun, 10 May, 2026 at 01:00 am
UTC+02:00Location
Det Vestnorske Teateret, LOGEN: Øvre Ole Bulls plass 6, 5012 Bergen, Norway | Bergen, HO
Advertisement
Klubb Komle, aka Raspeball Rave, er allereie tilbake på Det Vestnorske Teateret 9. mai!Vi serverer dansbar husmannskost i klubbformat. Denne gongen i ein spesialvariant. Vi feirar plateslepp med Folksomt, får besøk av svensken Egil Kalman, og – om ikkje det var nok bacon på raspeballen – så får vi også oppleve noko så eksklusivt som å danse til Benedicte Maurseth sitt slåttespel.
Håpar du er klar for rulling og snurring, digging og dansing, for her skal ingen sulte!
Program:
20.30 Dørene opnar
21:00 Folkedansinstruksjon med Lars og Are
22:00 Benedicte Maurseth
22:30 Folksomt
23:30 Egil Kalman
Med:
Lars Fivelstad Smaaberg - danseinstruktør
Are August Flannagan Furubotn - trekkspill
Benedicte Maurseth - hardingfele
Jonas Særsten - synth og trommemaskin
Lovise Espeland - vokal
Johanna Seim - hardingfele og husvert
Gaute Ullestad Moen - perkusjon og munnharpe
Jonathan Krabbe - gitar
Egil Kalman - modulær synth
Jon Eirik Sira - VJ
Billettar i sal no!
Arrangementet er støtta av Kulturrådet, Vestland fylkeskommune og Bergen kommune.
*******************************************************************
Meir om artistane:
Folksomt – Tekno kolliderer med norsk folkemusikk
Folksomt smeltar saman det eldgamle og det elektriske og lagar klubbfolkemusikk.
Norsk folkemusikk ber med seg ei rik historie av klangar og forteljingar som har blitt formidla gjennom generasjonar. Techno og electronica representerer eit globalt språk for moderne uttrykk, med fokus på rytme, tekstur og energi. Folksomt er ein kombinasjon.
Hardingfele og munnharpe svevar over djupe basslinjer, folkesongen blir kledd i ny drakt av beats og klangar som løftar og dreg. Rytmane frå springar, halling og reinlender bankar framleis under huda, og resultatet er både svært dansbart og draumande. Publikum blir invitert inn – anten du er ein erfaren folkedansar, ei fridansande sjel eller ein nikkande klubbromantikar.
Folksomt hadde debutkonserten sin på Klubb Komle i fjor, og slepper no si sjølvtitulerte debutplate på Ta:lik Records 8. mai. Sjølvsagt må det feirast her på Klubb Komle.
Benedicte Maurseth
Benedicte Maurseth, hardingfelespelar, komponist og forfattar, er ein prislønt, etablert og anerkjend utøvar. Ho har gått i lære hjå meisterspelemannen Knut Hamre gjennom fleire tiår, og har tradisjonsmusikken frå Hardanger som sitt spesialfelt.
Ho har turnert i omfattande grad som solist i Norge og internasjonalt, og hennar samarbeid har vore med mange av dei fremste kunstnarar på tvers av sjangrar og uttrykk innan teater, samtid, og improvisert musikk.
På Klubb Komle får vi den nokså sjeldne gleden av å oppleve Benedicte spille til dans.
Egil Kalman
Egil Kalman spelar norsk og svensk folkemusikk på modulærsynth.
Musikken hans dreg parallellar mellom folkemusikk og samtids elektroakustisk musikk gjennom minimalistiske komposisjonsteknikkar og sjelfulle improvisasjonar. Med reinstemte intervall, hypnotiske former og syntetiske lydar som imiterer det akustiske – og omvendt – utforskar han element frå folkemusikken og set dei i eit nytt lys. Musikken blir framført live på modulærsynth utan bruk av føreinnspelt materiale.
Albumdebuten hans som folkemusikksynthesist, Nordafjells, der fokuset ligg på slåttar frå den sterke Setesdal-tradisjonen, kom ut på Supertraditional i november i fjor. Tidlegare har han gitt ut to album på iDEAL Recordings.
Video frå innspelinga av første sporet på plata kan du sjå her:
Advertisement
Where is it happening?
Det Vestnorske Teateret, LOGEN: Øvre Ole Bulls plass 6, 5012 Bergen, Norway, Det Vestnorske Teateret, Øvre Ole Bulls plass, 5012 Bergen, Norge, Bergen, NorwayEvent Location & Nearby Stays:
Know what’s Happening Next — before everyone else does.
