Klubb Komle // Erlend Apneseth Trio & Spelekvinnelaget Einliskarens minne

Name: Klubb Komle // Erlend Apneseth Trio & Spelekvinnelaget Einliskarens minne
Start: 2026-03-07T20:30:00+01:00
End: 2026-03-08T01:00:00+01:00
Location: Det Vestnorske Teateret

Schedule

Sat, 07 Mar, 2026 at 08:30 pm to Sun, 08 Mar, 2026 at 01:00 am

UTC+01:00

Location

Det Vestnorske Teateret | Bergen, HO

Klubb Komle, aka Raspeball Rave, kjem tilbake til Det Vestnorske Teateret!
Vi serverer dansbar husmannskost i klubbformat. Gjer deg klar for ei solid økt med springar og snadder, og set kryss i kalenderen: Laurdag 7. mars. Det blir fele, det blir folkedans og det blir feitt!
Program:
20.30 Dørene opnar
21:00 Folkedansinstruksjon med Lars og Are
21:45 Spelekvinnelaget Einliskarens minne
22:30 Erlend Apneseth Trio
23:30 DJ Amøbe
01:00 Dansegolvet stengjer, baren held open
Med:
Lars Fivelstad Smaaberg - danseinstruktør
Are August Flannagan Furubotn - trekkspill
Ingvild Kleiveland Vevle - hardingfele
Marion Nordvik - hardingfele
Monika Antun - hardingfele
Silje Midtbø Vevle - hardingfele
Silje Solberg - hardingfele
Una Anine O’Keeffe - hardingfele
Tuva Thomassen - hardingfele
Helga Revheim - hardingfele
Erlend Apneseth - hardingfele
Stephan Meidell - gitar og elektronikk
Øyvind Hegg-Lunde - trommer og perkusjon
Thorolf Thuestad - lyddesign
Jonas Særsten aka DJ Amøbe - live electronics arkivmiks
Johanna Seim - husvert
🎟️ Billettane ute no!
Arrangementet er støtta av Kulturrådet, Vestland fylkeskommune og Bergen kommune.
Foto: Andreas Roksvåg
******************************************************************
Meir om artistane:
Erlend Apneseth Trio
Erlend Apneseth Trio kombinerer lyden av norsk folkemusikk, jazz og elektronika på ein heilt unik måte. Dei har fått strålande kritikkar og ei rekke prisar for sine fire album på den anerkjende plateetiketten Hubro, og omfattande turnering over heile Noreg og Europa dei siste ti åra har fanga både nye og faste lyttarar.
Trioen består av Erlend Apneseth (hardingfele), Stephan Meidell (gitar/livesampling) og Øyvind Hegg-Lunde (trommer/perkusjon). Alle tre er høgt respekterte kunstnarar og komponistar innan sine respektive felt, og deira improvisatoriske tilnærming gjer kvar konsert til ei unik oppleving.
BBC Music Magazine gav trioens musikk den høgste moglege vurderinga, og rosar mangfaldet i stemningar og stilar. MOJO hylla også trioens "nære, intuitive komposisjonar, som brummar, vrir seg og klirrar med ein rå, utforskande livskraft». Bandet har skapt sitt heilt eige språk, som spenner seg frå solbelyste, utopiske tonar til mørke, noir-liknande landskap.
På Klubb Komle vil trioen spille det meir dansbare repertoaret frå fyrst og fremst albumene "Salika, Molika" og "Lokk".

Spelekvinnelaget Einliskarens minne
Einliskarens minne er ei gruppe hardingfeleutøvarar frå Osterøy spel og dansarlag. Namnet viser til ei av dei fremste kjeldene for slåttespelet frå Osterøy, nemleg spelemannen Magne Pederson Kleiveland, som vart kalla Einliskaren etter staden han budde på. Einliskaren var ein dyktig spelemann som det gjekk gjetord om i bygdene, og han lærde vekk slåttar til sjølvaste Ole Bull, som hadde hus på Osterøy.
Dei siste åra har hardingfeleutøvarar frå Osterøy utmerka seg med drivande godt og klart samspel i ulike samanhengar, og å spela ilag til dans står høgt i kurs blant alle medlemmene! Dei fleste medlemmene i Einliskarens minne har spelt saman gjennom fleire tiår, og repertoaret baserer seg på tradisjonar henta frå heile Vestlandet, både variert bygdedans og runddans – ofte med spennande arrangement.