Klubb Komle
Schedule
Sat, 06 Sep, 2025 at 09:00 pm to Sun, 07 Sep, 2025 at 01:30 am
UTC+02:00Location
Det Vestnorske Teateret | Bergen, HO
Advertisement
Klubb Komle, aka Raspeball Rave, kjem tilbake til Det Vestnorske Teateret!Vi serverer dansbar husmannskost i klubbformat. Gjer deg klar for ei solid økt med springar og snadder, og set kryss i kalenderen: Laurdag 6. september. Det blir fele, det blir folkedans og det blir feitt!
Program:
Kl 20.00 Dørene opnar
Kl 21.00 Klubben startar, på menyen står:
Folkedansinstruksjon med Lars og Are
Spelemannslaget "Ny i Bygda"
Sigrid Moldestad
Folksomt trio med gjester
DJ Radsen/Dina Konradsen
Kl 01:00 Dansegolvet stengjer, baren held ope
Med:
Lars Fivelstad Smaaberg - danseinstruktør
Are August Flannagan Furubotn - trekkspill
Heidi Kvelvane - trekkspill
Ingrid Standal Sørheim - torader
Helge Brøndbo Plassen - hardingfele
Svein Laingen Kjerland - hardingfele
Marta Lindvik - hardingfele
Johannes Holven - kontrabass
Sigrid Moldestad - fele
Jonas Særsten - synth og trommemaskin
Gaute Ullestad Moen - munnharpe og perkusjon
Dina Konradsen - DJ
Jon Sira - VJ
Johanna Seim - hardingfele og husvert
******************
Meir om artistane:
Sigrid Moldestad
Sigrid Moldestad er kjend som både folkemusiker, songar, skodespelar og artist. Ho turnerar stadig med eige band og har alltid sjonglert ulike sider i sitt artist og musikarliv. Ho har folkemusikkutdanning frå Ole Bull Akademiet, og har dei siste åra jobba ekstra sterkt med tradisjonsmusikken frå heimbygda i Nordfjord. Ho vart nominert for både Spellemannspris og Folkelarmpris for dokumentasjonsarbeiet med bokalbumet "Breim" i 2023/2024, og har turnert over heile landet med soloforestillinga "Med kjærleik frå Breim" etterpå. På Klubb Komle er det nettopp spelkvinna som skal stå i fokus, og ho vil utelukkande spele danseslåttar på fele/hardingfele frå sine heimtrakter. Sigrid har vore ekstra oppteken av tradisjonar og historiene om dei uvanlig mange kvinnene som spelte fele i Nordfjord. Ho mottok Spellemanspris for sitt første soloalbum "Taus" i 2007 og har laga fleire forestillingar om temaet.
Sigrid er også godt kjend i lokala på Det Vestnorske Teateret der ho var med som skodespelar i suksessen "Heim" i alle 5 sesongane.
Ho bur til vanlig i Åsane.
Folksomt Musikkollektiv
Klubb Komle har fått sitt eige husband – Folksomt Musikkollektiv. Bandet smeltar saman det eldgamle og det elektriske: Rytmane frå springar, halling og polka bankar framleis under huda, no i møte med pulserande beats og elektroniske lydlandskap. Publikum blir inviterte inn – enten du er ein erfaren folkedansar, fridansande sjel eller ein nikkande klubbromantikar. Folksomt er eit levande musikkfellesskap der nye musikarar stadig kjem til, og denne kvelden får du oppleve det i fullt driv.
DJ Hasto/Dina Konradsen
DJ Hasto satsa på å komme inn på rein sjarm, og har sidan Norsk Næverfestival 2023 klart å smiske seg greitt inn i folkemusikkmiljøet. Ho stiller opp i tide og utide, stort sett delvis forberedd og alltidmed eit variert utval folkebeats på lager. Som sjølverklært folkedansentusiast spelar ho med glede til dans i dei fleste miljø, likevel kanskje mest entusiastisk i lystige folkemusikklag. Trass i det, kjem settet til å inneholde noko for alle, om det så er pols eller pils som fristar mest.
Kom traddis og treng deg på, her skal du nyskaping finne!
Arrangementet er støtta av Kulturrådet, Vestland fylkeskommune og Bergen kommune.
Foto: Andreas Roksvåg
Advertisement
Where is it happening?
Det Vestnorske Teateret, Øvre Ole Bulls plass 6, 5012 Bergen, Norge, Bergen, NorwayEvent Location & Nearby Stays:
