JULEKONSERTEN 2024 - Nykirken
Schedule
Sun Dec 15 2024 at 05:00 pm
UTC+01:00Location
Nykirken - Kulturkirken på Nordnes | Bergen, HO
Advertisement
JULEKONSERTEN MED MANGER MUSIKKLAG OG LYDIA HOEN TJOREVelkomne til den tradisjonsrike Julekonserten med Manger Musikklag og dirigent Tormod Flaten. I år kan ein oppleve denne konserten både i Nykirken i Bergen og i Manger Kyrkje på Radøy, og musikklaget er stolte av å ha med seg sopranen Lydia Hoen Tjore på konserten igjen. Manger Musikklag og Lydia Hoen Tjore vil ringje jula inn for alle som kjem desse desemberkveldane.
LYDIA HOEN TJORE
Sopran Lydia Hoen Tjore er frå Radøy, der ho starta med musikk i ein tidleg alder. Hoen Tjore er i dag ei av dei mest lovande operatalenta i Noreg. Ho vart uteksaminert frå The Royal Academy i Danmark som ei av dei yngste i historia, og har mellom anna spelt i fleire operaer ved Den Norske Opera og Ballett i Oslo. Ein må og nemne at ho har sunge med ensemble som Oslo Filharmoniske Orkester, KORK og Bergen Filharmoniske Orkester i Noreg, i tillegg til ei rekkje solistprestasjonar i utlandet. Av andre store og viktige oppdrag har Lydia sunge for den danske og den norske kongefamilien ved fleire høve, i tillegg til å opptre på Festspillene i Bergen. Lydia er kjent for sin gnistrande kontakt med publikum og ei enorme evne til å formidle musikken til alle som vil lytte. Dette vert eit høgdepunkt i førsjulstida.
EI TID FOR RO OG JULESTEMNING
Denne kvelden kan du forvente vakker musikk, kjente julesongar og julestemning. Som publikum vil du få ei rekkje songar med Lydia som solist, og du vil få fleire fine og vakre verk for brassband. Manger Musikklag er eit av dei leiande brassbanda både nasjonalt og internasjonalt, og vil med sin faste dirigent Tormod Flaten setje saman eit program som skal gje ro, julestemning og magiske augneblink.
Program: TBA
Me håper du vil setje av kvelden, og ynskjer alle hjarteleg velkomne på Julekonserten 2024.
Ei stor takk til Sparebanken Vest for stønad til denne konserten.
Advertisement
Where is it happening?
Nykirken - Kulturkirken på Nordnes, Strandgaten 197B,Bergen, Hordaland, NorwayEvent Location & Nearby Stays:
