HIVJU and The Garbage King // Oseana

HIVJU and The Garbage King er eit musikalsk samarbeid mellom skodespelar Kristofer Hivju og produsent/musikar Olav Lystrup. Saman har dei utvikla eit nært og kompromisslaust uttrykk der sterke fortelingar møter eit organisk og biletrikt lydbilde.
Prosjektet fekk sin konsertdebut på Rockefeller i 2022, som support for Luke Elliot, og har sidan blitt vidareutvikla i studio og på scenen. Eit debutalbum er no under arbeid, og musikken kan beskrivast slik:
«En dyp røst, akkompagnert av et lyrisk skrangleorkester som hyller den menneskelige skrøpelighet. En salig blanding av sjangre som skaper et rått, lekent og bilderikt musikalsk univers.»
I år legg duoen ut på akustisk turné, der musikken blir presentert i sitt mest nakne og direkte format med kontrabass og nylonstrengsgitar.
___
* Intimkonsert med sitjeplassar ved runde bord (unummererte plassar).
* Rullestolar og ledsagarar:
Det finst eit avgrensa antal rullestolplassar tilgjengeleg. Ledsagarar har rett på fribillett. Billettar til rullestol og ledsagar får du via resepsjonen – kom innom eller kontakt oss på telefon 917 50 231 / e-post [email protected].