Haustsamling for sakprosaforfattarar

Name: Haustsamling for sakprosaforfattarar
Start: 2024-10-25T17:00:00+02:00
Location: Norsk faglitterær forfatter- og oversetterforening - NFFO

Schedule

Fri Oct 25 2024 at 05:00 pm

UTC+02:00

Location

Norsk faglitterær forfatter- og oversetterforening - NFFO | Oslo, OS

Velkommen til ein kveld via fagleg og sosialt påfyll for aktive sakprosaforfattarar som er medlem i NFFO!
Fagleg program kl. 17-20. Frå kl. 20: tapas og drikke. Hugs å oppgi ev. allergiar/matpreferansar når du melder deg på. Bar der ein kan kjøpe drikke til vennlege prisar (kostpris).
Målgruppe: aktive sakprosaforfattarar som har publisert ei bok dei siste fem åra. Berre for NFFO-medlemmer. Det faglege programmet blir strømma for medlemmer.
Kl. 17:00 Velkommen ved styremedlem/generalsekretær i NFFO.
Kl. 17:05 Programsjef Linn Rottem presenterer kort programmet til sakprosafestivalen, som skjer laurdag 26. oktober på Litteraturhuset. Festivalen er eit samarbeid mellom NFFO og Litteraturhuset.
Etikk
Kl. 17:15 Espen Søbye og Anne Bitsch i samtale om fornuft og følelsar i sakprosa. Kva skjer når det dukkar opp eit forteljar-eg i teksten – og er det farleg? Kan forfattaren nytte kjenslene sine til noko nyttig i skrivinga og får dei synast? For kor mykje plass i teksten får eigentleg forfattaren ta, av omsyn til den biografierte, bodskapen, kjeldene eller anna?
Samtaleleiar: Ane Farsethås, journalist og kritikar i Morgenbladet.
Aktuelle tekstar:
Anne Bitsch: “Å skrive med kroppen” i antologien Mellom menneske og manus (Res Publica 2024).
Espen Søbye: “Ingen er bare et offer” i antologien Mellom menneske og manus (Res Publica 2024).
Espen Søbye: “Hva er arkivstudien” i antologien Min metode. Om sakprosaskriving (Cappelen Damm 2019).
Kl. 18:00-18:15 Pause (15 min.)
Estetikk
Kl. 18:15 Føredrag Ivo de Figueiredo: Djevelen ligg i notane. Om noteapparatet i Munch-biografien.
I første bind av Edvard Munch-biografien Stormen (Aschehoug, 2023) til historikar og sakprosaforfattar Ivo de Figueiredo er notane like fine som essays og inneheld nok forteljingar og personar til ein heil forfattarskap. I dette føredraget kjem han inn på researchen og fintenkinga som noteapparatet har kravd, og korleis notepraksisen spring ut frå den overordna poetikken hans. Dessutan vil han avsløre nokre favorittnotar. Andre bind av Stormen kom ut i oktober.
Kl. 19:15-19:30 Pause (15 min.). Noko godt i glaset.
Politikk
Kl. 19:30 Ayesha Wolasmal og Simen Sætre i samtale om å skrive sakprosa om “dei andre”. I ei tid når me lett kan få informasjon frå forskjellige kjelder, blir ståstaden til forfattaren desto viktigare. Korleis skrive om andre kulturar utan å begå eksotifisering? Kva seier skildringane av dei andre om forfattaren?
Samtaleleiar: Carline Tromp, forfattar og frilansjournalist.
Aktuelle utgivingar/tekstar:
Ayesha Wolasmal: Tusen dager med Taliban (Kagge 2024)
Simen Sætre: “Å skrive om land man hater” i antologien Mellom menneske og manus (Res Publica 2024).
Frå kl. 20:15 Tapas og påfyll i glaset.
Programkomité: Torolf Kroglund, forfattar, og Carline Tromp, forfattar og frilansjournalist.
Spørsmål om arrangementet? Ta kontakt med Kristine Isaksen, [email protected] / 952 01 968.
NB! Obligatorisk påmelding her: https://medlem.consio.no/MinSide/Activity/Activity/50106?oid=20a87cf8-12d9-4088-960d-bb1213c1c4c6