Fotoutstillinga Historiske foto frå Flatøy flystasjon

Name: Fotoutstillinga Historiske foto frå Flatøy flystasjon
Start: 2025-08-30T11:00:00+02:00
End: 2025-08-31T18:00:00+02:00
Location: Holmeknappen 49, 5918 Frekhaug, Norway

Schedule

Sat, 30 Aug, 2025 at 11:00 am to Sun, 31 Aug, 2025 at 06:00 pm

UTC+02:00

Location

Holmeknappen 49, 5918 Frekhaug, Norway | Bergen, HO

Fotoutstillinga
viser over 50 historiske foto frå flystasjonen som var på Flatøy. Utstillinga er gjort mogleg etter initiativ av Tor E. Thorsen og i samarbeid med Meland Sogelag og FRAMO Flatøy.
Dag Bjørnar Mjelde på Tellevik Fort har gitt nyttige innspel og bidrege med noko materiell til utstillinga.
Kjernen i samlinga til Thorsen er fotografi far hans, Rolv Thorsen har teke, då han var stasjonert der som flymekanikar og flaug langs norskekysten i åra før 2. verdskrig og like fram til krigsutbrotet i aprildagane i 1940. Samlinga inneheld også foto frå andre kjelder.
Her er foto og faksimilar av avisartiklar om den første sivile flyruta i Noreg, om «Sildeflygarane», og om flyproduksjon på Flatøy etter krigen
Thorsen, Meland sogelag og Galleri Rustica har arbeidd eit års tid med å planleggje utstillinga. Mange av bileta blir presenterte offentleg for første gong. Dei er inndelte i fire tema:
Oppstart, krigstid, sildefiskeriene og om flypioneren Thor Solberg.
Flystasjonen låg der FRAMO sitt anlegg ligg no, og den verna hangaren står enno inne i ein av hallane. Stasjonen hadde livleg aktivitet heilt frå 1918 og fram til 1948 med både sivile og militære aktørar som skreiv regional og nasjonal luftfartshistorie.
Med denne utstillinga ønskjer vi å produsere utsnitt av ei forteljing om eit viktig kapitel i norsk luftfartshistorie - som er alt for lite kjent, både nasjonalt, men òg lokalt. Prosjektgruppa vil arbeide vidare fram mot ei meir omfattande utstilling og kanskje ei bok neste år.
Thorsen vil halde føredrag og fortelje om bileta begge dagane på Kystsogedagane kl. 16.00.
Utstillinga vil stå fram til 13. sept.
Denne produksjonen er gjort mogleg med økonomisk støtte frå Meland Sogelag og FRAMO Flatøy.