Ferðasöngvar og frumflutningur
Schedule
Sun, 19 Apr, 2026 at 06:00 pm
UTC+00:00Location
Listasafn Sigurjóns Ólafssonar | Reykjavík, RE
Advertisement
Sunnudaginn 19. apríl kl. 18:00 verða haldnir ljóðatónleikar í sal Listasafns Sigurjóns Ólafssonar undir yfirskriftinni “Ferðasöngvar og frumflutningur”. Þar koma fram baritónsöngvarinn Hrólfur Sæmundsson og píanóleikarinn Nína Margrét Grímsdóttir en þau hafa unnið saman gegnum árin m.a. í tónleikaröðunum Reykjavík Classics í Hörpu og Klassík í hádeginu Gerðubergi. Á efnisskránni þann 19. apríl verður ljóðaflokkurinn “Songs of Travel” (1901-1904) eftir Ralph Vaughan Williams við ljóðatexta Robert Louis Stevenson frá árinu 1827. Einnig flytja þau Hrólfur og Nína Margrét ljóðaflokkinn “Six Songs óp. 25” (1876) eftir Edvard Grieg við ljóðatexta Henrik Ibsen. Hápunktur tónleikanna verður frumflutningur ljóða eftir Hrólf Sæmundsson. Aðgangseyrir er kr. 4500 í forsölu og kr. 5500 við innganginn. Húsið opnar kl. 17:30. Hægt verður að nálgast miða í forsölu á opnunartíma Listasafns Sigurjóns laugardaga og sunnudaga kl. 13:00-17:00.Hrólfur Sæmundsson hefur um árabil sungið stærstu
hlutverk óperubókmenntanna við óperuhús víða um heim.
Hans helstu hlutverk þar hafa verið Macbeth, Wozzeck,
Rigoletto, Germont (La Traviata), Don Carlo (La forza del
destino), Don Carlo (Ernani) Miller (Luisa Miller), Rodrigo
(Don Carlo), Ford Falstaff), Paolo (Simone Boccanegra),
Escamillo (Carmen),Telramund (Lohengrin), Wolfram (Tannhäuser),
Alberich, (Rheingold og Götterdämmerung) Kurwenal (Tristan und
Isolde), Lord Ruthven (Der Vampyr), Michele (I’ll Tabarro),
Sharpless (Madama Butterfly), Onegin (Eegene Onegin),
Tomsky (Pique Dame) Figaro (Il barbiere di Siviglia), Don
Pizarro (Fidelio), Ori í “Au Monde” eftir Philippe Boesmans,
Greifinn (Brúðkaup Fígarós), Don Giovanni og Don Alfonso
(Cosi fan tutte), auk fjölda annarra.
Hann hefur einnig komið fram á Íslandi, við Íslensku
Óperuna, í Þjóðleikhúsinu, og á fjölda tónleika um allt land.
Hann hefur sungið inn á upptökur hér heima og erlendis, til
dæmis hina nýútgefnu óperu „Alpenkönig und
Menschenfeind“ eftir Leo Blech. Hrólfur syngur þar
titilhlutverkið. Þessi upptaka hefur einnig verið leikin í
útvarpi í yfir 60 löndum, þar á meðal á Íslandi.
Nýverið hóf Hrólfur frumraun sína við Teatro Real í Madrid
þar sem hann söng í óperu Weinbergs, “Die Passagierin”.
Einnig lék hann og söng hlutverk Rigoletto í nýútkominni
kvikmynd. Næsta stórverkefni Hrólfs er hlutverk Wotans í
heildarfrumflutningi Niflungahringsins í Eistlandi.
https://www.operabase.com/hrolfur-saemundsson-a7120/en
Nína Margrét Grímsdóttir er stofnandi og listrænn stjórnandi tónleikaraða í Hörpu, Salnum og Gerðubergi 2001-2019. Hljóðritun hennar fyrir BIS Records 2001 af píanóverkum dr. Páls Ísólfssonar var tilnefnd til íslensku tónlistarverðlaunanna og útgefin doktorsritgerð Nínu Margrétar um píanóverk Páls ásamt meistaraprófsritgerð hennar um íslenska píanótónlist hafa vakið verðskuldaða athygli á menningararfi landsins erlendis. Nína Margrét hefur komið fram á tónlistarhátíðum hérlendis og erlendis m.a. Listahátíð, Reykholtshátíð, Myrkum músíkdögum, Azaleu Festival og Whitehorse Circumpolar Festival. Hún hefur einnig hlotið styrki og viðurkenningar m.a. frá ráðuneytum mennta- og menningarmála, Reykjavíkurborg, American-Scandinavian Foundation, American-Scandinavian Society og British Council.
Nína Margrét er aðjúnkt við tónlistardeild Listaháskóla Íslands, deildarstjóri framhaldsdeildar og verkefnastjóri Alþjóðasamstarfs Erasmus+ við Tónskóla Sigursveins, prófdómari fyrir Prófanefnd Tónlistarskólanna og kennari við píanódeild Tónlistarskóla Kópavogs. Hún hefur enn fremur kennt við Tónlistarskólann í Reykjavík, University of Agder, University of Karlstad, University of Warmia and Mazury í Olsztyn, Vienna Classic Stars International Festival og Bloomingdale School of Music í New York og hafa píanónemendur hennar unnið til fjölda verðlauna í innlendum og alþjóðlegum píanókeppnum. Á þessu ári var hún gestakennari við Stanisław Moniuszko Academy of Music í Gdańsk, dómari í Malmö Yamaha Piano Competition og í WPTA Iceland International Piano Competition í Salnum. Nína Margrét er forseti WPTA Iceland (World Piano Teachers Association), “WPTA-appointed judge” og stjórnarmeðlimur í Félagi íslenskra píanóleikara.
https://www.youtube.com/@NinaMargretGrimsdottir
Advertisement
Where is it happening?
Listasafn Sigurjóns Ólafssonar, Laugarnestangi 71, 105 Reykjavíkurborg, Ísland, Reykjavík, IcelandEvent Location & Nearby Stays:
Know what’s Happening Next — before everyone else does.
