Elf van Elf

Name: Elf van Elf
Start: 2025-11-11T10:00:00+01:00
End: 2025-11-11T20:30:00+01:00
Location: Markt Venlo

Schedule

Tue Nov 11 2025 at 10:00 am to 08:30 pm

UTC+01:00

Location

Markt Venlo | Venlo, LI

Op d’n Elfde van d’n Elfde wuurt, zoëwie det ein gooje Venlose traditie is, ’s morges ’t nieje vastelaovessezoen ingeluujd mit ’t ‘inscheete’ op Elf van Elf. Vanaaf de Mert veur ’t Stadhoés bars ein daagdeurend Venloos meziékfees los, mit onder andere:
Jocus Hofkepel en de 4 winnende Jocusleedjes, Julia Beurkens, DJ Sander, Enne Bink, DJ Serpetinus, Joekskepel Nörges veur Nuuëdig, Linke Mik, Kristel en Loek. Maar auk de winnaers van ‘t JVLK Basisschoël Sint Martinus en de Herfshane, Golden Hiëring, DJ Sander, Oét de Maot en de nieje Venlose dialekband Aevel!
Neteurlik luuët auk d’n Ermen tak van Boerebroélofsgezelschap de Herfshane zich zeen. Zeej zulle same mit Vors Joeccius XI ’t nieje Boerebroélofsgezelschap 2026 van Vastelaovesgroep Beejeingeklats welkom heite.
’t Offisjeele programma boéte op de Mert deurt wiés 20.30 oor.
Ingangk – achterkant Stadhoés
D’n entree tot ’t plein is aan d’n achterkant van ’t stadhoés, ter huuëgte van ‘t Theaterhotel – via de Paeperstraot. Taeves zien binne ’t terrein miër toilette veurzeen. Neteurlik zien de toilette van de umliggende horeca auk bereikbaar. Auk dit jaor wuurt gebroék gemak van de Venlo Baeker as statiegeldbaeker.
Jocus CD
De nieje Jocusleedjes zien vanaaf 11 november auk weer thoés te beluustere via de spiksplinternieje Jocus CD die op de vertrouwde verkauppunte verkriégbaar is en die neteurlik via de online streamingsdeenste beluusterd kinne waere.
D’n Opstaeker
Auk is vanaaf 11 november “D’n Opstaeker” verkriégbaar, de 22e editie is gemak door Maarten Grob. De opbringste van “D’n Opstaeker” kômme ten gunste van de vastelaovesvereiniginge binne de gemeinte Venlo.