Dypdykk: Glade grender – kva meinte forskarane om drabantbyane?

Name: Dypdykk: Glade grender – kva meinte forskarane om drabantbyane?
Start: 2026-06-10T16:30:00+02:00
End: 2026-06-10T17:10:00+02:00
Location: Nasjonalmuseet – Arkitektur

Schedule

Wed Jun 10 2026 at 04:30 pm to 05:10 pm

UTC+02:00

Location

Nasjonalmuseet – Arkitektur | Oslo, OS

Kva for politikk låg til grunn for utbygginga av Groruddalen? Kva slags barndom var det planleggjarane hadde lagt til rette for? Og blei kritikken mot miljøet og arkitekturen tatt til følgje?
Anne-Kristine Kronborg, arkitekturhistorikar og førsteamanuensis ved NMBU, har lenge hatt bustadpolitikken sin historie som del av forskingsfeltet sitt.
I dette dypdykket, som er eit lite foredrag, tar ho publikum med inn i ulike prosjekt og set både arkitekturen og kritikken inn i eit historisk perspektiv.
Den store bustadmangelen etter andre verdskrigen var starten på den storstilte utbygginga av Groruddalen i Oslo. Nye lokalsamfunn blei bygd nærast frå grunnen av med moderne bustader og alt folk trong i kvardagen – T-bane, skular, butikkar, idrettsanlegg og leikeplassar.
Utviklinga gjekk fort, ein bygde stort, for mange menneske og i eit høgt tempo. Det gamle jordbruks- og forstadslandskapet blei totalt forandra i løpet av eit par tiår. Utviklinga gjekk føre seg i samsvar med dei rådande teoriane og ideala i samtida, og var både visjonær og pragmatisk.
Mot slutten av 1960-talet sette kritikken inn. Ifølgje Ammerudrapporten og Stovnerrapporten blei barn einsame og deprimerte i drabantbyane. Hadde ein skapt «et miljø som la forholdene til rette for passivitet, hærverk og nederlag»?
Dypdykket er i CNS-salen i andre etasje i Nasjonalmuseet - Arkitektur på Bankplassen 3. Det er trinnlaus inngang frå Myntgata og heis i bygget.
Du treng billett til Nasjonalmuseet – Arkitektur for å delta. Du må også hente ut gratisbillett til arrangementet. Det er fint å møte opp tidleg for å sjå utstillinga først.