'CONOCE BO BANCO CENTRAL' - dia di evento pa publico

Name: 'CONOCE BO BANCO CENTRAL' - dia di evento pa publico
Start: 2025-11-22T10:00:00-04:00
End: 2025-11-22T18:00:00-04:00
Location: J. E. Irausquin Boulevard 8

Schedule

Sat Nov 22 2025 at 10:00 am to 06:00 pm

UTC-04:00

Location

J. E. Irausquin Boulevard 8 | Oranjestad, AW

CONOCE BO BANCO CENTRAL lo tuma luga diasabra 22 di november 2025. E bishitantenan por spera un dia yen di actividadnan caminda lo presenta diferente stacion nan
cu ta diseña pa mehora e compresion di comunidad di e rol di Banco Central di Aruba (BCA).
Banco Central di Aruba - Antes, Awo y den Futuro
E stacion aki tin como meta pa mustra e tareanan principal di BCA, su historia, su direccion
strategico como tambe con ta pa traha na BCA.
Nos Tesoro - Aruba su Florin
Na e stacion aki BCA lo revela con e biyetenan di banco di awendia a wordo diseña for di e arte
di concepto te na e produccion. E bishitantenan lo siña tambe tocante e caracteristicanan
principal di seguridad y lo explora un coleccion di monedanan conmemorativo y di circulacion.
Ta rekeri preinscripcion, tin luga limita disponibel a base di esun cu yega prome ta haya luga
prome.
Operacionnan Cibernetico | “Cyber Operations”
E stacion aki tin como meta pa promove e concientisacion di seguridad cibernetico entre e
publico cu un enfoke particular riba e hobennan. E lo tin sesionnan interactivo diseña pa
studiantenan caminda scolnan lo wordo invita pa encurasha nan partisipacion den un
competencia.
Placa Sabi - Bo Finansas den Bo Man
E stacion aki lo promove educacion financiero y alfabetisacion na un manera envolvi y
agradabel. E lo ta dividi den dos seccion: un cu ta ofrece material di educacion financiero
valioso a traves di mini-tayernan interactivo pa adulto cu enfoke riba presupuesto y spaarmento y e otro diseña pa muchanan cu ta presenta un area di siña hungando cu puzzel y weganan.