Bistand: god gjerning eller god samvittighet?
Schedule
Thu Sep 26 2024 at 06:00 pm
UTC+02:00Location
Det Akademiske Kvarter | Bergen, HO
Advertisement
Sted: Tivoli, Det Akademiske KvarterIngen land i verda gjer ein større del av verdiskapinga til bistand og utviklingshjelp enn Noreg, og pengebruken har brei støtte på tinget og i folket. Det siste året har likevel debatten kring bistand blussa opp, og fleire kritiske spørsmål meldt seg.
I februar i år røska NORAD-direktør Bård Vegar Solhjell i einigheita. Han tok til orde for å dele finansieringa av bistandsbudsjettet i to, og dermed lage eit tydeleg skilje mellom fattigdomsreduksjon, bistandens tradisjonelle mål, og såkalla «globale fellesgoder» som klimakutt, miljøvern og pandemiberedskap.
Svaret frå utviklingsminister Anne Beate Tvinnerheim (SP) var tydeleg – dette er ikkje aktuelt. «Vi får ikke bedre bistand av å lage flere siloer», sa ho den gongen. Tonen var tydeleg: bistandsinvesteringar forfølger mange mål samtidig, og er alt for komplekse til å plasserast i enkle kategoriar.
«Alt henger sammen med alt», med andre ord. Men er ikkje dette berre ein litt slitt klisje for politikarar som ikkje vil prioritere?
Eirik Mofoss i tankesmia Langsikt melde seg fort på og etterlyste tydelegare prioritering mellom dei ulike måla i bistanden, og klarare grunngjeving for kvifor ulike tiltak vert prioriterte. Han spør kvifor ikkje akkurat NORAD må følge utgreiingsinstruksen, ei enkel retningslinje for grunngjeving av offentleg pengebruk, når heile resten av forvaltninga må det. Han meiner dessutan mange av bistandsprosjekta dei siste tiåra har vore prega av politiske preferansar, i staden for kalde fakta.
Etter dette har debatten rast, og ein haug med spørsmål har meldt seg. Har vi verkeleg ikkje god oversikt over effekten av bistanden? Er det verkeleg slik at poltiske preferansar går framføre harde tal? Vil ikkje politikarane innrømme kor vanskelege prioriteringane på feltet er? Kvifor kanaliserast så mykje av bistandsmidlane gjennom norske organisasjonar? Kva er det eigentleg som verkar best? Og mange, mange fleire.
Bli klokare på desse spørsmåla og fleire, når Studentersamfunnet i Bergen inviterar til debatt om dei harde prioriteringane og den vanskelege forvaltinga av dei viktigaste kronene på statsbudsjettet. Kom til Tivoli på Kvarteret, torsdag 26/9 kl. 18
I PANELET:
Bjørg Sandkjær, statssekretær i utanriksdepartementet (SP)
Eirik Mofoss, dagleg leiar i tankesmia Langsikt
Aksel Jakobsen, kommunikasjonssjef i Kirkens Nødhjelp
Arrangementa ved Studentersamfunnet i Bergen er opne for alle. Ved kjøp av billett får du medlemskap i Studentersamfunnet i Bergen, og dermed fri inngang på alle ordinære arrangement dette semesteret. Medlemskap kan kjøpast via Hoopla-lenka eller i døra når du kjem via Vipps
Aldersgrense: 20 (18 med studentbevis)
Advertisement
Where is it happening?
Det Akademiske Kvarter, Olav Kyrres gate 49, 5015 Bergen, Norge,Bergen, Hordaland, NorwayEvent Location & Nearby Stays: