Bibelforteljingar i litteraturen

Name: Bibelforteljingar i litteraturen
Start: 2026-04-20T18:00:00+02:00
Location: Henrik Ibsens gate 110, Solli plass, 0255 Oslo, Norway

Schedule

Mon, 20 Apr, 2026 at 06:00 pm

UTC+02:00

Location

Henrik Ibsens gate 110, Solli plass, 0255 Oslo, Norway | Oslo, OS

Kva skal skje?
Forfattar Olaug Nilssen, teolog Ragnar Misje Bergem og kritikar Merete Røsvik varmar opp til Fosseforedraget, som i år skal haldast av den amerikanske forfattaren Marilynne Robinson. Panelet møtest for å diskutere dei store kristne forteljingane om offer, nåde og sanning. Det er motiv som går igjen hos Marilynne Robinson, Jon Fosse og stadig fleire samtidsforfattarar.
Lars Petter Sveen, kulturredaktør i Vårt Land, leier samtalen.
Fosseprisen for omsetjarar og Fosseforedraget(LENKE https://www.nb.no/fosse/fosseforedraget-og-fosseprisen/) blei oppretta av regjeringa for å heidre nobelprisvinnar i litteratur Jon Fosse. Fosseforedraget blir halde kvar april av ein internasjonal forfattar, dramatikar, akademikar eller intellektuell som har gjort ein særleg innsats for å fremje forståinga av, eller formidlinga av, litteratur på verdsbasis. Fosseprisen går til ein omsetjar som over tid har arbeidd med å omsetje norsk litteratur til andre språk.
Kven møter du?
Olaug Nilssen er forfattar og vaks opp i ein kristen heim. Ho har brukt både bibelske namn og motiv i sine bøker, til dømes i Yt etter evne, få etter behov frå 2020.
Merete Røsvik er litteraturkritikar i Klassekampen og tidlegare redaktør i Prosa. Ho arbeider for tida med religiøse erfaringar i nyare litteratur, med stipend frå Fritt Ord.
Ragnar Misje Bergem er teolog og førsteamanuensis ved MF vitenskapelig høyskole. Han verkar òg som kritikar og skribent.
Lars Petter Sveen er kulturredaktør i Vårt Land. Han har også skrive ei rekkje bøker, mellom andre Guds barn, Nordriket og Kunsten å stamme.
Når og kor?
Måndag 20. april 18–19
Nasjonalbiblioteket, Målstova
Inngang frå Henrik Ibsens gate 110
Treng du billett?
Arrangementet er gratis, men du må ha husbillett for å sikre deg plass i Målstova eller eit anna rom på huset der arrangementet blir vist på storskjerm. Hent ut billett her: https://event.checkin.no/221123/20-04-bibelforteljingar-i-litteraturen
Med billett får dei fleste som kjem, plass i hovudsalen.
Dørene opnar 30 minutt før arrangementet startar. Ubrukte plassar blir fristilte ti minutt før arrangementet startar.
Strøyming av arrangementet?
Vi strøymer arrangementet og opptaket ligg ute i 14 dagar på nb.no/tv.
Mat og drikke?
Credo gir publikum ved Nasjonalbiblioteket eit serveringstilbod forankra i norsk matkultur. Nasjonalbibliotekbaren, bakeriet og kantina tilbyr forfriskingar og smårettar og bakst.
Velkommen!