Berekraftig mat
Schedule
Tue Oct 17 2023 at 07:00 pm to 08:15 pm
Location
Stord folkebibliotek | Veavågen, RO
Advertisement
Kva er eigentleg berekraftig mat, og korleis kan me som forbrukarar ta berekraftige valg?Dette er to av fleire spørsmål som blir tatt opp når Kari Gåsvatn møter Ida Kleppe, Dag Jørund Lønning og Kari Grutle Nappen til samtale på biblioteket. Under leiing av Svein Olav Langåker dykkar me ned i tema som forbrukarmakt, matpolitikk, jordhelse og sjølforsyning. Og kor viktig det er å spele på lag med naturen for å få til ei berekraftig framtid.
Vil du vite meir? Kom og høyr, og bli inspirert på biblioteket 17. oktober kl 19.00 – 20.15.
Inngang: Gratis
Arrangør: Berekraftvekene på Stord og Naturvernforbundet på Stord
Kari Gåsvatn er kommentator i Nationen og forfatter av den kritikerroste boka Geriljahagen. Ho er opptatt av samanhengane mellom mat, landbruk og natur. Kva slags matproduksjon bidrar til biologisk mangfald og kva øydelegger jorda. Korleis kan me demokratisere maten og forankre den i lokalsamfunnet.
Dag Jørund Lønning er professor i nyskaping og bygdeutvikling og rektor ved Høgskulen for grøn utvikling. Han har arbeidd i mange år med kreativitet, demokratisering, levande lokalsamfunn og eit meir naturnært jord- og hagebruk. Han har skrive 15 bøker om slike tema, deriblant dei svært populære Jordboka, Jordboka II, Kompostboka og Første Losebok. Lønning er fødd og oppvaksen på Stord, og har no flytta heim att til barndomsøya.
Ida Kleppe og familien bur og dyrkar jorda på Lundemannsverk, ein gard der det vert drive marknadshage. Her dyrkar dei ca 40 ulike vekster, som grønsaker, bær, frukt og urter. Grønsakene vert seld direkte til forbrukar i gardsbutikken deira. På Lundemannsverk dyrkar dei økologisk, og i takt med naturen. Livet på garden kan ein følgje i tv-serien om “Drømmen om et småbruk” og ligg på Altibox
Kari Grutle Nappen er høgskolelektor ved Høgskulen på Vestlandet. Forskningsfeltet hennar er utdanning for berekraft, og born som økoborgarar. Ho er særskilt interessert i dyrking og praktisk arbeid med born, og har utvikla undervisningsopplegg knytta til estetiske naturmøter. Kari er primus motor for bruk av kjøkkenhagen og drivhuset på campus Stord i barnehagelærarutdanninga.
Advertisement
Where is it happening?
Stord folkebibliotek, Veavågen, NorwayEvent Location & Nearby Stays:
Know what’s Happening Next — before everyone else does.
