Arte Sin Frontera Exhibicion

Name: Arte Sin Frontera Exhibicion
Start: 2026-05-31T17:00:00-04:00
End: 2026-05-31T21:30:00-04:00
Location: Funari

Schedule

Sun May 31 2026 at 05:00 pm to 09:30 pm

UTC-04:00

Location

Funari | Oranjestad, AW

Celebracion di Inclusion, Identidad y Creatividad
Arte Sin Frontera, un evento especial caminda arte, cultura y comunidad ta uni den un ambiente di expresion sin limitacion.
Arte Sin Frontera no ta solamente un expresion creativo di identidad, sino tambe un invitacion pa para ketu, reflexiona y papia abiertamente tocante con nos ta yega na comprende ken nos ta realmente.
E proyecto ta sirbi como un plataforma unda arte ta bira un idioma universal cu ta conecta hende, sin importa desendencia of capacidad.
Como organizacion enfoca riba integracion social di personanan cu desabilidad fisico, FUNARI ta sigui su mision di combati isolacion dor di crea oportunidadnan pa participacion activo den sociedad. Den e contexto aki, nos participantenan ta involvi den diferente tayer creativo y cultural cu ta fomenta inclusion, expresion personal y desaroyo individual.
Durante e anochi, bishitantenan lo por disfruta di un programa variá y enriquecedor cu ta inclui diferente diciplina manera:
• Ceramica
• Canto
• Musica
• Poesia
• Arte visual
• Presentacion culinario
Programa Especial di e Anochi
✨ Fashion Show cu musica live
✨ Presentacion culinario
✨ Proyeccion di e documentario “E Biahe di Arte Sin Frontera”
✨ Presentacion visual di FUNARI / Scol Caiquetio
✨ Presentacion di participantnan riba Conga Poesia Ritmico
Nos ta invita bo, bo famia y amistad nan pa comparti hunto cu nos den un anochi yen di inspiracion, creatividad, inclusion y conexion humano.
“Arte no conoce frontera; e ta conecta curasonnan.”